Tuesday, 9 December 2014

Rangitaki mutunga. nā Sopie

I tēnei wāhanga i roto ahau i te akomanga o Ukura. He akomanga hōu tēnei. 
He uaua natemea ka ako ngā tamariki hōu I ngā ture me pēwhea te mahi tika. I te mutunga he rawe te akomanga katoa.
ko tā mātou kaupapa matua, ko te hiko.
He momo iarere teenei. Ka rere te hiko i ngaa mea kaatoa.
E rua ngā ra e toe ana i te kura. Kia pai ngā hararei te whānau rangitaki🎄🎅🎁
nā Sophie

Kirihimete

Kia ora koutou maa, ko Ruruhira toku ingoa. Ko Ukura toku Akomanga. He mihi teenei ki a Ukura!   Kei a maatou eetahi o ngaa tamariki  mai i a Raekura!
He akomanga miharo teenei!!! 
    • He tino hiikaka ahau na te mea tata ki te Kirihimete.
      
    Ka hiahia ahau i te waea pukoro!!!
  • Meri Kirihimete ki a taatou katoa.Na Ruruhira.

Te Wiki Mutunga

Ā tēnei Rāpare  ko te  Pō Whakamāna tamariki. Ko tērā tētahi wā ka hoatu ngā Kaiako I ngā taonga ki ngā tamariki mō ā rātau mahi I roto I te Akomanga.


Kua hangaia e matou tētehi kēmu hiko mō te kirihīmete! Me he tē te kēmu!
Tērā pea ka tiki koe ētehi taonga mai I o   whānau. Ko te mea nui ka harikoa mō te wā katoa o Te Kirihimete.


Kia pai o koutou Kirihimete.  Na Waimererangi McIntyre Kohinga. 

Ngā Moe


Kia ora koutou katoa,

E 15 ngaa raa ki te kirirhimete, he tino hikaka ahau. Ka tiki ngaa koha mai i a Hanakoko.  Kei runga noa atu a Hanakoko ki ahau. Ka hoatu ngaa pihikete me te miraka ki a Hanakoko. 

DSC 0909 2 Milk And Cookies For Santa
Kia haumaru tō koutou kirihīmete!!!
 Nā Kumari 

Thursday, 4 December 2014

Ngā akoranga pai!!

He tino pai te pangarau ki ahau na te mea ka mahi ahau I ngā whakarea, I ngā tangohia me ngā tāpiri.

He tino pai te pānui pukapuka ki ahau hoki na te mea he wā tino wahangū.

He tino pai nga kēmu ki ahau hoki.

He pai te tuhi pikitia ki ahau hoki na te mea ka mahi ngā tae.

Na Eva.




Nei rā te mihi ki a koe e Eva, kua tīmata koe I te wāhanga tuarua me te kore reo...rawe āu mahi e hine!!!!
Paiā!!!

Sunday, 23 November 2014

Te Rautaki Mihimihi o Ūkura

Pēnei te rautaki i whai mātou te akomanga o Ūkura.
He porowhita te āhua i te wā karakia me te pūpuri ringaringa.
Ko te hīmene I te tuatahi, ka waiata mātou te kura. Katahi ka karakia tētehi!
Ka tū tētehi ō te akomanga ki te tuku mihi ki te whakawatea I tēnā mahi. Ka waiata tētehi waiata pai. Ka whuia te mana kōrero ki te whānau, ki ngā kaiako hoki. He wā hoki mā ngā pānui o te rā. 
Ka karakia anō matou. Kotahi atu ki ngā akomanga. 
He wā rawe ki te whakatau I te wairua. 

Nā Haki 

Te Haerenga ki te A & P Show

Anei ētehi whakaaro o ngā tamariki i haere ki te A & P Show.

I tērā wiki i haere te akomanga o Ūkura ki te A & P Show. I roto mātou ko Sophie, ko Manaia, ko Kumari i te rōpū o Whaea Amanda.
I te tuatahi i haere mātou ki te titiro ki ngā kararehe. I kite mātou i ngā kōti, i ngā heihei, i ngā rāpeti, i ngā poaka, i ngā kau me ngā pūru, i ngā hipi hoki.
Katahi ka haere mātou ki ngā ope taua.

He rangi tino pai rawa atu.

Nā Eva Ah Mu

I te taha mātou ko Kahia, ko Ruruhira i a Whaea Claire. I haere mātou ki wīwī, ki wāwā o te wāhi. He maha ngā kararehe. I mātakitaki mātou e ngā tāne i kaha tapaina ngā rākau.
Ko tētehi miharo mōku, ko te Pirate Show. He hatakēhi rātou ki te waiata, ki te kōrero hoki.

Kua harikoa te rangi katoa.

Nā Waimererangi McIntyre-Kohinga







Ka hiahia mātou ngā akomanga te tuku mihi ki ngā mātua i tae atu ki te awhinā i te rangi. Waimārie katoa mātou. 
Ngā mihi manahau ki a koutou!!!

 PAIĀ te rangi!!!!!










Tuesday, 11 November 2014

Te Haki o Aotearoa

Tēnā koutou te whānau,

Auē taukuri e...kei te tata mutu te wāhanga nei....HOOOOOORRRRRREEEEEEEIIIIII!!

I tērā wiki i kōrero mātou e pā ana ki te haki o Aotearoa
Kua whiriwhiria e mātou ngā kōrero e pā ana ki te haki o Aotearoa.
He aha te tikanga o te kahurangi? Ko te Moana Nui a Kiwa tēnā.
He aha aua whetū? He tohu ērā whetū mō te Te Taki-o-Autahi (Southern Cross).
Ko te tiaki o Ingarangi he mihi ki te kuini me ngā hononga i waenganui i a mātou.


 Ki te hiahia a John Key te hanga tētēhi atu haki hōu, ka pīrangi mātou i ngā haki pēnei ai.
Kua whakautua e mātou ngā pātai o Tūhonotū #2hono2, he rangitaki anō tērā. 

He ātaahua hoki ngā haki o ngā tamariki...me ō rātou whakaaro e pā ana ki ngā pikitia.
Me whakamana i a tātou a Ngai Māori...tērā te mea nui!!!


Pūkawe Hiko

Ko te whainga o tēnei Mahi Kia kite atu inā ka rere te whana tōrunga ngā whana tōraro i ngā taputapu o te akomanga.

Mēnā ka rere he ia hiko mā roto I tētahi mea, ka kīīa a tāua  mea he"pūkawe hiko"
Ki te kore rere he irahiko mā roto i tētahi mea , ka kīīa he arai hiko.


Te Whakamātau tua1 - Te whakakai tāringa o Whaea Beryl. I rere te iahiko!
Te Whakamātau tua2: te whakakai tāringa o Whaea o Whaea Kimi i rere te iahiko.

Te Whakamātau tua3: te pene o Whaea Kimi i rere te iahiko engari inā ka wehe i ngā rāwhi, kāore i rere te iahiko...he aha ai?????? 

Te Whakamātau tua4: Te penerākau...I rere te iahiko i te taha hōta engari kāore I te taha rākau!
He auto tēnei, i rere te iahiko i whakakāngia e te rama.






He āhua ohorere māua ki te whakamātau i ngā taputapu o te akomanga. He pai hoki te kite inā ka rere te iahiko nei whakakāngia I te rama!!!

Nā Sophie rāua ko Eva tēnei rangitaki!

Tuesday, 28 October 2014

Ko Poihau...te manu hōu

Nā Kumari rāua ko Haki tēnei rangitaki

Ko Poihau tēnei. ko ia te kererū o te akomanga ukura. I hōmai a Whaea Melanie ki te whānau o Ukura. He tino harikoa te whānau o Ukura!  He harikoa hoki a Poihau . He mā he pango he papura āna tae.  Ka aroha ia I tēnei akomanga. Ka titiro ia ki ngā mahi o ngā tamariki me ngā uara inwhakaputa.
Ko tēnei te wahi noho a Poihau I te wā kei te mahi ngā tamariki. ka tino aroha a Poihau I a Whaea Kimi, ka aroha hoki a Whaea Kimi I a Poihau. Ka rongo ia I ngā waiata hoki. I ētahi wā mehemea kei te  mātakitaki te pouaka whakaatā ka mātakitaki hoki a Poihau. He ngawari ōna huruhuru ka moe ia I te  akomanga nei o Ukura. Nō reira ko Poihau tēnei e Tukutuku mihi ki ngā tangata ka pānui I tēnei rangitaki!!!! 

                                   


Pānui Tuākana Teina

He rangitaki tēnei nā Sophie Wells.

I tētahi rā i haere mai a Rapanui ki roto I te akomanga o Ukura ki te mahi pānui tuakana teina.




Ko Kumari tenei e pānui ana ki Alyssa i te wahi peke rāua e pānui ana. Ka pānui a Kumari te Toneke Ki a Alyssa.

Ka mahi mātou I te tuakana teina I ngā Rāmere.




I panui ētehi o mātou ki waho, ki runga I te papa, ki runga I ngā turu hoki.






Paiā te Panui pukapuka Tuākana teina ki ahau!!!!!! 😀

Tuesday, 21 October 2014

Puppet Pals


I tērā wiki i whakaatu a Whaea Kimi ki a mātou me pēwhea te hanga i te Puppet Pals. He momo app ki runga i tana I-papa. Kua hanga mātou ko Fay, ko Ruruhira, ko Te Kotuku i tētehi. 
Ka ahei mātou te hanga ngā whakaari i ngā karetao me ngā pikitia o ngā tāngata.


Anei te Puppet Pal i whakarite mātou mō #2hono2


Nā Waimererangi

Monday, 20 October 2014

Rangitaki 1

Kia mau ki tēnā, kia mau ki tēnā, kia mau ki te kawau maro
Whanake ake! Whanake ake!
Ko Kimi Paki tōku ingoa.
Ko ahau te pouako ki Te Kura Kaupapa Māori o Te Whānau Tahi i roto i te akomanga o Ūkura.
Nei rā te mihi ki a  koutou katoa.

Tēnā koutou te whānau Rangitaki. Nei te owha ki a koutou ngā kaipānui. 

He wāhi tēnei mā ngā akonga o Ūkura te whakamārama atu ki ngā whānau i noho tata, i noho tāwhiti he aha ngā mahi i waenganui i te akomanga, ō waho hoki.

Kia kaha koutou ki te waiho kārere, i ngā kupu akiaki hei āwhina i a rātou i tēnei ahuatanga hōu.

Māku te rangitaki tuatahi e whakarite!

He akomanga hōu tēnei. 17 ngā tamariki ki roto i te akomanga. 

Kua harikoa katoa mātou te tīmata i te rangitaki nei. 
Tautokotia e koutou ngā raukura nei.

Mauri Ora